Skuadra e Paderbornit ka fituar ndeshjen “problematike” ndaj Hansa Rostockut. Dueli i luajtur të premten mbrëma në kuadër të xhiros së 17-t të Bundesligës 2, ka përfunduar me fitoren 3:0 të Paderbornit.
Në fakt, ndeshja u ndërpre disa herë për shkak të telasheve me tifozët në tribuna. Fillimisht, u ndërpre në minutën e 13-të për shkak të hedhjes së fishekzjarrëve nga tifozët në shenjë kundërshtimi për hyrjen e një investitori në ligën gjermane të futbollit.
Kjo ndërprerje zgjati pesë minuta me skuadrat që shkuan në zhveshtore për t’u rikthyer sërish.
Pastaj tifozët kanë hedhur fishekzjarrë për ta shkaktuar një ndërprerje tjetër në pjesën e dytë.
Te Paderborni gjatë tërë ndeshjes luajti Florent Muslija, i cili në kohën shtesë u ndëshkua me karton të verdhë. Po ashtu, i pazëvendësueshëm te Paderborni ishte edhe mbrojtësi Visar Musliu.