Në basketbollin kosovar vazhdojnë të jepen paga marramendëse, ndonëse me para të sponsorizimit e që realisht janë para të buxhetit të shtetit.
Në konferencën për shtyp që u mbajt të martën nga drejtues të Prishtinës, u bë e ditur se ish-lojtari i kësaj skuadre, Jordan Davis, që luajti vjet, kishte pagë prej 25 mijë.
Drejtori i klubit, Luan Maloku, ka përmendur edhe shumën prej 20 mijë kur përmendi Rashid Mahalbashiqin, pa saktësuar nëse bëhet fjalë për euro apo dollarë.
Ndërkohë për ish-trajneri Paco Olmos bëri të ditur se erdhi te Prishtina me pagë prej 20 mijë dollarësh në muaj.
Sipas raportit të Ministrisë, Prishtina vjet realizoi të hyra prej 1,2 milionë euro nga sponsorizimet.