Real Madrid ka marr një vendim të papritur për Dnai Carvajal.
Disa orë pasi mbrojtësi spanjoll pësoi një lëndim të rëndë, duke këputur ACL-në e gjurit të djathtë, klubi mbretëror ka vendosur të ia vazhdoj kontratën.
Ai do të jetë pjesë e ”Los Blancos”, deri në qershor të vitit 2026.
Carvajal është pjesë e Real Madridit që nga viti 2002, kur ishte vetëm 10 vjeç, derisa debutimin e tij me skuadrën e parë e bëri në vitin 2013.
Me Real Madridin ai ka fituar 26 tituj në 427 ndeshje: 6 Champions League, 5 Kupa të Botës për Klube, 5 Superkupa Evropiane, 4 Liga, 2 Copas del Rey dhe 4 Superkupa Spanjolle. Carvajal është një nga pesë lojtarët që kanë arritur të fitojnë 6 Kupa Evropiane. Në Wembley, më 1 qershor, ai u shpall lojtari më i mirë në finalen e Champions League, në të cilën Real Madrid fitoi Kupën e pesëmbëdhjetë Evropiane.
Carvajal me lëndimin e pësuar mbrëmë ndaj Villarealit, e ka përfunduar sezonin, pasi pritet të jetë jashtë fushave për së paku 8-9 muaj.