Arbnor Muja e ka nisur në formë të mrekullueshme pjesën e dytë të sezonit në kampionatin belg. Ai arriti të shënojë edhe golin e parë në këtë kampionat. Një gol i tillë erdhi në sfidën e sotme kundër Oostende.
Sulmuesi 24-vjeç kosovar, Arbnor Muja, po gëzon formën më të mirë të karrierës në këto javë të fundit. Pasi ka arritur ta konsolidojë pozitën e titullarit nën urdhrat e legjendës holandeze Van Bommel, ai po ia del të jetë edhe produktiv para portës.
Kështu u tregua edhe në fillimin e ndeshjes së sotme kampionale kundër Oostende. Në minutën e 11-të ai mjaft mirë e lexoi rrjedhën e aksionit, kur Balikwisha e gjeti me një pasim tokazi në shtyllën e dytë. Sulmuesi kosovar nga afërsia nuk gaboi dhe e dërgoi topin në rrjetë për 0:1.
Gol ky që ishte i pari në këtë edicion të kampionatit belg, por jo edhe i pari në tërësi me Antwerpin.