Mbrojtësi i St. Paulit, Leart Paqarada ka folur për mediumin e ekipit gjerman në lidhje me Kombëtaren e Kosovës.
Alain Giresse pritet që shumë shpejtë ta publikojë listën për dy ndeshjet e para gjatë muajit mars për para-kualifikimet e EURO2024.
Duket se Leart Paqarada do të jetë një prej lojtarëve të ftuar për dy ndeshjet ndaj Izraelit dhe Andorrës.
“Në muajt e fundit ne kemi qenë gjithmonë në kontakt, në fakt gjithmonë kemi shkëmbyer pozitivitet. Shpresoj dhe mendoj se do të jem përsëri atje. Mezi pres, ka qenë gjithmonë ndjenjë e bukur. Pushimi ishte i mirë, por tani jam i emocionuar që do të luaj për vendin tim në kualifikueset e Kampionatit Evropian. Kjo është emocionuese dhe mua më ka munguar shumë gjatë një viti e gjysmë”, ka thënë Paqarada për mediumin e klubit
Kujtojmë që Paqarada pati një problem me trajnerin e kaluar, Bernard Challandes – dhe kishte deklaruar se deri të largohet zvicrani nuk do të jetë më pjesë e ‘Dardanëve’.