Ballina-1

    Paraqitja e mrekullueshme e Rashicës e përmbledhur në 2 minuta, turqit “çmenden” pas sulmuesit kosovar

    Milot Rashica ka zhvilluar mbrëmë ndeshjen më të mirë që kur u transferua tek skuadra turke, Galatasaray.

    Rashica luajti mbrëmë për 90 minuta ndaj Besiktasit, ku zhvilloi paraqitje perfekte, pavarësisht se nuk shënoi – apo asistoi.

    Në rrjetet sociale, tifozët e Galatasaray kanë bërë një përmbledhje të paraqitjes së tij – e cila u shpërnda shumë shpejtë dhe deri më tani ka marrë mbi 150 mijë shikime.

    Rashica ishte dje lojtari i cili vrapoi më së shumti në ndeshje 10.8 km – duke thyer kështu rekordin në takim.

    “Një raketë i quajtur Rashica doli në skenë. Sprintet që ai bëri nga e djathta paralizuan anën e majtë të Besiktasit me driblimet e tij”, tha pas ndeshjes, Levent Tuzemen, gazetar turk.