Vitet e fundit ai kishte parashikuar si përhapjen e Covid-it, ashtu edhe vdekjen e Mbretëreshës Elizabeth, duke merituar pseudonimin “Nostradamus i gjallë”. Tani, Athos Salome, profeti që jeton në Divinopolis të Brazilit, ka dhënë profecinë e tij për Botërorin e Katarit, duke zbuluar edhe emrat e finalistëve të mundshëm.
Salome ka treguar (falë një përllogaritjeje të bazuar në vitin e ndeshjeve, datën e fillimit të kompeticionit dhe falë shkronjave të emrave të vendeve që do të luajnë) pesë skuadrat që kanë mundësi të kalojnë në finale: Argjentina, Brazili, Belgjika, Franca dhe Anglia.
Ndër të gjitha, profeti zgjedh dy: Argjentina dhe Franca. Pra, sipas tij do të kemi një finale më 18 dhjetor mes atdheut të tangos dhe një kombëtareje të Evropës Qendrore. Salome lëshoi gjithashtu një paralajmërim.
“Për shkak të numrit të madh të rasteve të Covid-19 dhe shfaqjes së nënvarianteve të reja të Omicron, BQ.1 dhe XBB, të cilat janë më të transmetueshme dhe rezistente ndaj vaksinave, gjithçka mund të ndryshojë”.