Futbollisti brazilian Neymar tha se nuk mund të garantojë se do të luajë sërish për kombëtaren, pasi u eliminua në çerekfinale të Kupës së Botës nga Kroacia, transmeton Gazeta Sport.
“Nuk garantoj 100 për qind që do të rikthehem në kombëtaren braziliane. Më duhet të analizoj, të mendoj pak më shumë se çfarë është e mirë për mua dhe për kombëtaren”, tha sulmuesi 30-vjeçar i Paris Saint – Germain.
Skuadra braziliane e futbollit, e cila ishte një favorit i madh, u eliminua në çerekfinalet e Kupës së Botës në Katar, pasi humbi ndaj Kroacisë me penallti.
“Sinqerisht, nuk e di. Mendoj se është keq të flas tani sepse jam i nxehtë. Ndoshta nuk po mendoj drejt,” u tha gazetarëve një Neymar emocionues.
Shoku i skuadrës së Neymar, Dani Alves tha se ai nuk do të luajë më për Brazilin. /Gazeta Sport/