Sparta Praga ka shënuar fitore ndaj Ararat Armenia me rezultat 2-1 në ndeshjen kthyese të kualifikimeve për Ligën e Konferencës, me golat që u realizuan nga Albion Rrahmani dhe Ermal Krasniqi.
Ndeshjen e hapi sulmuesi në top formë i Sparta Pragës, Albion Rrahmani, i cili shënoi në mesin e pjesës së parë, pasi mori një top në zonë dhe me një gjuajtje të saktë realizoi për 1-0.
Ky është goli i pestë i Rrahmanit në tetë ndeshje këtë sezon, duke treguar një formë fenomenale.
Pjesa e parë u mbyll baras 1-1, pasi vendasit shënuan nga penalltia.
Ermal Krasniqi u inkuadrua në lojë në minutën e 59-të dhe arriti të lërë shenjë në këtë ndeshje. Anësori realizoi në kohën shtesë për rezultatin 2-1, që doli të jetë edhe ai i fitores për Sparta Pragën.
Ndeshjen e parë Sparta e kishte fituar me rezultat 4-1 dhe me rezultatin e përgjithshëm 6-2 kaloi në play-off.