Përfaqësuesja e Serbisë mbrëmë luajti ndeshjen e parë në Kampionatin Botëror “Katar 2022”.
Serbia u mposht nga Brazili (2:0), por edhe këtë herë si shumë herë tjera serbët nuk mund ta ndajnë politikën nga sporti, shkruan Demokracia.com.
Ata në zhveshtore të ekipit kishin shfaqur një flamur serb me hartën e Kosovës në mes me mbishkrimin “Nuk dorëzohemi”.
Ky veprim u cilësua si shumë skandaloz, ndërsa sot gjatë ditës FFK ka kërkuar nga FIFA të marrë masa. Mediat kroate nuk janë pajtuar me veprimin e Serbisë derisa duke u thirrur edhe në mediat kosovare kanë thënë se ky veprim assesi nuk duhet të lejohet në Kampionatin Botëror dhe duhet medoemos të merren masa.
