Pedri e ka pranuar se Barcelona nuk është mjaftueshëm e mirë për të garuar në Ligën e Kampionëve.
Këtë deklaratë, mesfushori i talentuar i “blaugranas” e ka dhënë menjëherë pas eliminimit nga “Championsi” të mërkurën në mbrëmje.
Fitorja e Interit ndaj Viktoria Plzenit ka bërë që Barcelona të mos kalojë në fazën nokaut të kësaj gare për sezonin e dytë rresht.
Barcelona e fitoi vetëm një ndeshje nga pesë sa i ka zhvilluar në këtë sezon të “Championsit”.
“Natyrisht se është dështim. Ne nuk kemi merituar të vazhdojmë në Ligën e Kampionëve. Jemi ekip i ri dhe duhet përmirësuar shumë gjëra. Kemi bërë transferime të mëdha, por nuk kanë qenë të mjaftueshme për të luajtur në Ligën e Kampionëve dhe është dëshpërim i madh. Duhet të jemi kritik të vetes”, ka thënë Pedri për “Movistar”.