Skuadra e Pejës ka vazhduar serinë e fitoreve edhe në xhiron e shtatë të Superligës së Kosovës në basketboll.
Peja, të shtunën e mposhti skuadrën e Rahovecit për të mbetur tu forcuar në krye të tabelës me 14 pikë.
Dueli i luajtur në palestrën “Karagaçi”, u mbyll me shifrat 86:76 në të mirë të Pejës.
Me këtë triumf, Peja mbetet ekipi i vetëm këtë edicion në elitë që ende nuk di për humbje.
Rahoveci e pati startin e mirë dhe shkoi në epërsi prej shtatë pikëve (13:6), por më pas Peja e mori lojën nën kontroll dhe nuk lejoi të befasohet.
Rodney Purvis me 22 pikë ishte më efikasi te Peja, ndërsa Jalen Tate shtoi 20 sosh.
Te Rahoveci, që regjistroi humbjen e gjashtë rresht, më i dalluari ishte Isaiah Manderson me 26 pikë e 13 kërcime.