Asnjë çudi nuk kishte në këtë gjysmëfinale të Botërorit, Argjentina mundi lehtësisht Kroacinë dhe arriti të kalonte më tej. Por jo pak polemika janë hapur për penalltinë e fituar nga Alvarez.
Figura të njohura të futbollit botëror kanë qenë kundër vendimit të Orsatos. Nuk kishte sesi të komentohej ndryshe në Kroaci, por Bruno Maric i ftuar në “SN” ka kaluar më tej duke i dhënë të drejtë teorisë së konspiracionit të Pepe, se persona me peshë po vendosin që Argjentina ta fitojë këtë Botëror.
“Edhe pse nuk jam nga ata që besoj në teoritë e konspiracionit, duhet të them se ajo që tha Pepe kishte kuptim, se Argjentina është vërtet e favorizuar. Përkatësisht, vendimi i minutës së 32-të tregon një mundësi të tillë, kjo penallti nuk ka ekzistuar, Livakovic nuk ka bërë faull. Mund të ishte vetëm një faull ndaj portierit. Më vjen keq që jam dëshmitar i një vendimi të pabesueshëm të gjyqtarit Orsato, një vendim që ka një ndikim të drejtpërdrejtë në rezultat. E padrejtë dhe e papranueshme”, u shpreh Maric.