Ballkani ka arritur tjetër fitore të madhe në arenën evropiane.
Skuadra nga Suhareka ka shënuar fitore të rëndësishme në Play Offin e Europa Conference League, duke e mposhtur skuadrën bjelloruse, BATE me rezultat 4-1.
Skuadra kosovare e kreu plotësisht detyren në duelin e parë, teksa tashmë i mbetet për detyrë që të menaxhojnë këtë sukses edhe në ndeshjen kthyese.
Pjesëmarrja në grupet e Ligës së Konferencës shpërblehet me 2.94 milionë euro, një shifër kjo goxha e konsiderueshme, për një klub si Ballkani. Ndërkohë që për çdo fitore në ndeshjet e grupeve, shpërblimi është 500 mijë euro, ndërsa barazimi në grupet e Ligës së Konferencës vlen 166 mijë euro.
Shifra këto që do të kishin një ndikim të madh në arkat e klubit nga Suhareka që do të fuqizoheshin ndjeshëm për sezonet në vijim.