Arbër Hoxha po zhvillon një sezon shumë të mirë në Kroaci. Sulmuesi i majtë dardan, u transferua te Slaven Belupo në shkurtin e vitit të kaluar.
Këtë sezon numëron 6 gola dhe një asist në kampionatin kroat dhe falë performancave pozitive është përzgjedhur në formacionin më të mirë të fazës së parë.
24-vjeçari, i cili numëron 3 ndeshje dhe një gol me përfaqësuesen e Kosovës, është një nga dy lojtarët e huaj bashkë me nigerianin Chidozie Awaziem në formacionin më të mirë të fazës së parë në HNL.
