Një histori shumë e keqe. Kjo ka lindur si një përrallë. Disa javë më parë, Hertha Berlin bleu Marius Gersbeck nga Karlsruhe. Portieri ka lindur dhe është rritur në Berlin dhe ka filluar të luajë për Hertha që në fëmijëri. Pavarësisht se sapo ishte kthyer në klubin e tij mëmë, tifozët po kërkonin që Gersbeck të promovohej menjëherë si kapiten.
Klubit të Berlinit, i cili sapo ka rënë nga Bundesliga, ka nevojë për figura me të cilat publiku mund të identifikohet. Portieri kishte thënë ditët e fundit se do të ishte i lumtur të vepronte si një lidhje mes klubit, dhomës së zhveshjes dhe tifozëve. Por tani ai është pezulluar, madje rrezikon të përjashtohet fare. Natën mes së shtunës dhe të dielës, Gersbeck ka rrahur një djalë, madje duke e lënë pa ndjenja.
Gjatë kampit stërvitor të Herthës në “Zell am See” të Austrisë, ai mori pjesë pa autorizim nga klubi në një festë në qytet, së bashku me ultrasit. Në të gdhirë, vetëm 60 metra larg hotelit ku ndodhet Hertha, ai ka debatuar me një vendas 22-vjeçar. Gersbeck e goditi djalin në fytyrë, duke e bërë atë të përplaset në një kuti postare.
“Viktima” është rrëzuar në tokë dhe ka mbetur pa ndjenja. Në spital zbuluan thyerjen e dhëmbit, hundës dhe mollëzës. Gersbeck mendoi se kishte shpëtuar duke u larguar me vrap në vendi i ngjarjes, por, i fotografuar nga një kalimtar, ai u njoh nga policia që shkoi ta merrte në hotelin e Hertha.
“Pas hetimit të policisë ndaj lojtarit tonë Marius Gersbeck, ne kemi vendosur ta pezullojmë atë, – shkroi klubi gjerman. Portieri ynë u largua nga hoteli i ekipit pa leje”. Tani ai rrezikon edhe të përjashtohet. Dhe të mendosh se rikthimi i tij te Hertha dukej si fillimi i një përralle…