Ballina-2

    Portieri serb i Kanadasë zgjidhet lojtari më i dobët i Botërorit, aty janë edhe dy serbë tjerë që janë listuar si dështakë  

    Teksa presim njoftimin zyrtar të FIFA-s se kush ka hyrë në 11-shen më të mirë të Botërorit të përfunduar së fundmi në Katar, portale të shumta po luajnë me skuadrat më të mira dhe më të këqija të turneut. Kështu, portali anglez Whoscored.com publikoi një formacion me 11 lojtarët më të këqij të Kupës së Botës.

    Kriteri ishte vlerësimi mesatar i lojtarëve të portalit të përmendur. Katari ka më së shumti lojtarë në këtë skuadër, katër prej tyre, ndërsa Serbia ka dy – mbrojtësin Millosh Veljkoviq dhe mesfushorin Sasha Lukiq, transmeton Gazeta Sport.

    Veljkoviq është lojtari i katërt më i keq në Botëror me rezultatin 5.97, dhe Lukiq është i gjashti më i dobët me 5.99. Portieri më i dobët i turneut është Milan Borjan –  serb, cili me fanellën kanadeze kishte një vlerësim mesatar prej 5.88 dhe së bashku me Veljkoviq, mbrojtësit më të këqij janë kostarikani Oscar Duarte (5.96) dhe Boualem Khoukhi i Katarit (6.01).

    Bashkëkombësit e Khoukit, Hassan Al-Haydos (6.13) dhe Homam Ahmed (6.17) i bashkohen Lukiqit në mesfushë së bashku me uellsianin Aaron Ramsey (5.97), dhe më i miri nga 11 më të këqijtë ishte mbrojtësi i djathtë kanadez Alistair Johnston (6.20).

    Holandezi Steven Bergwijn (6.09) ishte ndër sulmuesit më të këqij dhe ndoshta futbollisti më i dobët  turneut ishte sulmuesi i Katarit Almoez Ali me një vlerësim mesatar prej 5.82. /Gazeta Sport/