Presidenti i Federatës së Futbollit të Kosovës, Agim Ademi po qëndron në Bullgari në 100-vjetorin e themelimit të Federatës së Futbollit të Bullgarisë, ndërsa sot është takuar me legjendën bullgare, Hristo Stoichkov.
Ish-fituesi i Topit të Artë, Stoichkov dhe Ademi kanë folur për perspektivëne futbollit kosovar, derisa kanë folur për thellim të bashkëpunimit.
Postimi i plotë i Agim Ademit:
Ishte kënaqësi të pritesha nga legjenda e futbollit bullgar dhe evropian, Hristo Stoichkov
Si një ikonë e vërtetë e futbollit, Stoichkov ka ndërtuar një karrierë të jashtëzakonshme, duke fituar Topin e Artë dhe duke i dhënë emër Bullgarisë në arenën ndërkombëtare të futbollit.
Ai e nisi karrierën në futbollin amator – në Ligën e Tretë dhe arriti deri tek majat e suksesit, duke u shndërruar në një shembull frymëzues për të rinjtë.
Sot, në kuadër të 100-vjetorit të themelimit të Federatës së Futbollit të Bullgarisë pata kënaqësinë ta vizitoj muzeun e tij personal, ku u njoha me historinë e tij madhështore.
Stoichkov na priti me mikpritjen e tij të ngrohtë dhe na bëri dhurara të veçanta nga muzeu i tij.