Presidenti i Federatës së Futbollit të Kosovës, Agim Ademi gjatë qëndrimit në Kaunas në manifestimin e 100-vjetorit të anëtarësimit të Lituanisë në FIFA, ka takuar kreun e këtij institicioni, Gianni Infantino.
Në këtë takim, Ademi dhe Infantino diskutuan për zhvillimin e futbollit në Kosovë dhe marrëdhëniet e mira mes FIFA-s dhe vendit tonë. Si gjithmonë edhe në këtë takim, i pari i futbollit botëror shprehu admirimin e tij për Kosovën dhe për presidentin Ademi, si theksoi interesimin e tij për zhvillimin e futbollit në vendin tonë.
Infantino po ashtu u interesua për ngjarjet e fundit që ndodhën në veri të vendit, ku një grup terrorist serb sulmoi Policinë e Kosovës. Ai kujtoi se sot një vit ka qenë në Kosovë dhe u shpreh edhe një herë falënderues për mikpritjen e ngrohtë.
Që të dy në fund ritheksuan përkushtimin e tyre në promovimin dhe zhvillimin e futbollit në Kosovë dhe rëndësinë e gjithëpërfshirjes në lojën e futbollit. Ky takim edhe një herë konfirmon marrëdhëniet jashtëzakonisht të mira ndërmjet kreut të FFK-së me Infantinon dhe bashkëpunimin e vazhdueshëm mes Kosovës dhe FIFA-s. /GazetaSport