Kanë përfunduar dy ndeshjet e ditës së sotme në kuadër të javës së shtatë në Superligën e Kosovës në futboll.
Prishtina barazoi 2:2 me Dukagjinin në ndeshjen e zhvilluar në stadiumin “Fadil Vokrri”.
Ky barazim e dërgon Prishtinën në kuotën e 10 pikëve në vendin e katërt në tabelë.
Në anën tjetër, Dukagjini shkon në shtatë pikë në vendin e shtatë.
Fitore sot shënoi Drita që triumfoi pastër 0:2 ndaj Feronikelit 74.
Me këtë fitore, Drita tani ngjitet në 12 pikë, katër më pak se Ballkani e Llapi që prijnë në tabelë.
Kurse, Feronikeli 74 mbetet i parafundit me gjashtë pikë të grumbulluara.