Federata e Futbollit e Kosovës, ka caktuar orarin e ndeshjeve të javës së gjashtë në elitën e futbollit kosovar.
Njëra nga sfidat më joshëse është ajo ndërmjet Prishtinës e Dukagjinit.
Kjo ndeshje luhet nesër nga ora 15:00. Të kujtojmë se një javë më parë FFK dhe MKRS vendosën ta mbyllin stadiumin e Prishtinës për shkak të gjendjes së keqe të fushës ku u deshtë të intervenohet në bari. Kjo ka bërë që Prishtina ndeshjen e vet ta luajt jashtë.
Stadiumi ku do të zhvillohet kjo ndeshje është ajo në Kampin Nacional të FFK-së në Hajvali.
Gjyqtar kryesor i ndeshjes do të jetë Dardan Çaka. /GazetaSport
