Sot gjatë ditë pas një deklarate të lëshuar nga gazetari Baton Haxhiu, që kritikoi punën e Federatës së Futbollit të Kosovës derisa drejtuesit e klubeve i cilësoi si servil dhe të shitur, ka ardhur një reagim i ashpër i klubeve.
Të gjitha klubet e Superligës njëzëri dolën në mbështetje të FFK-së, derisa e sulmuan Haxhiun për atë deklaratë duke e cilësuar si një njeri që nuk i ka dhënë kurrë asgjë futbollit dhe tash vetëm sa po dëshiron ta prish imazhin e saj.
Megjithatë, dy klube të mëdha, si Prishtina e Drita nuk iu bashkuan skuadrave tjera dhe vendosën të ‘pajtohen’ me Haxhiun dhe ta pranojnë etiketimin të shitur.
Prishtina e Drita njihen si dy skuadra shumë të organizuara por ato vazhdimisht kanë qenë kundër Federatës. /GazetaSport