Skuadra më e trofeshme në vend Prishtina ka konfirmuar se dy ndeshjet e para si vendas, atë me Feronikelin (java e parë) dhe ajo më Malishevën (java e tretë), do të luhet në fushën në Kampin Nacional në Hajvali, shkruan GazetaSport.info
Ky ndryshim ka ardhur pasi fusha e stadiuumit “Fadil Vokrri” është duke u bërë gati për ndeshjet e Kombëtares së Kosovës që i luan në muajin shtator.
“Dy ndeshjet e para të kampionatit, java e parë me Feronikelin dhe java e tretë me Malishevën, skuadra jonë do t’i zhvillojë në Hajvali, në kampin nacional.
FC Prishtina ka pranuar këtë akt për të mirëkuptuar ndeshjet kualifikuese të Kosovës për muajin shtator.
Ndeshja e javës së parë me Feronikelin zhvillohet këtë të shtunë më 12 gusht nga ora 17”, ka shkruar FC Prishtina. /GazetaSport.info