Sigal Prishtina ka shënuar fitore bindëse ndaj Pejës në ndeshjen e mbetur të xhiros së 15, që u zhvillua të mërkurën mbrëma.
Në duelin e luajtur në Prishtinë, skuadra vendase triumfoi me rezultatin e thellë 83:45. Çereku i parë dhe i fundit ishin më të barabartë, por Prishtina fitoren e thellë e siguroi në periudhën e dytë dhe të tretë. Madje, në çerekun e tretë, Prishtina e limitoi Pejën në vetëm katër pikë kurse shënoi 28 sosh.
Me këtë fitore, Prishtina ka tubuar 28 pikë sa i ka edhe skuadra e Pejës. Dustin Thomas me 27 pikë e 11 kërcime ishte më efikasi te Prishtina, ndërsa pikë dyshifrore për vendasit realizoi edhe Lejson Zeqiri që realizoi 16 pikë. Edhe te Peja, vetëm dy basketbollistë shënuan pikë dyshifrore.
Arti Hajdari pati 11 pikë, ndërsa Samir Zekiqi shtoi 10 sosh.