Skuadra e Prishtinës ka fituar miqësoren e dytë në katër ndeshje që i ka luajtur deri në tani në Antalia të Turqisë, ku po përgatitet për stinorin pranveror të Superligës së Kosovës në futboll.
Të martën, Prishtina ka triumfuar ndaj ekipit nga Sllovakia, Zemplin Michalovc me rezultatin minimal 1:0.
Golin e vetëm në këtë ndeshje, e ka shënuar mesfushori Mërgim Pefqeli.
Për Prishtinën, kjo është fitorja e dytë në Antalia, pasi më herët ka triumfuar edhe ndaj Siofokut të Hungarisë (2:1).
Është mposhtur 4:1 nga Ceske Budejovice përpara se të barazojë 0:0 me Krumovgradin.