Prishtina ka fituar përballë Fushë Kosovës të shtunën në kuadër të xhiros së 17-të të elitës së futbollit të Kosovës.
Në ndeshjen e zhvilluar në stadiumin “Sami Kelmendi” në Lipjan, Prishtina fitoi me rezultatin 1:0 dhe e vazhdoi serinë pa humbje në gjashtë ndeshje në të gjitha garat. Ka tri barazime e tri fitore.
Për skuadrën që drejtohet nga trajneri Emmanuel Egbo, golin e vetëm në këtë ballafaqim e shënoi kapiteni Mërgim Pefqeli.
Pefqeli në minutën e 32-të realizoi me gjuajtje të fuqishme e të saktë. Fushë Kosova në minutën e 74-t fitoi penallti. Megjithatë, nga 11-të metra gaboi sulmuesi Urim Statovci në mintuën e 76-të, duke e qëlluar transversalen.
Prishtina pas 17 ndeshjeve mbetet në vendin e pestë me 25 pikë.
Fushë Kosova, që pësoi disfatën e pestë të njëpasnjëshme në të gjitha garat, mbetet në pozitën e fundit me 10 pikë në 17 ndeshje të luajtura. Në xhiron e 18-të, Prishtina udhëton te Ballkani, ndërsa Fushë Kosova e pret Feronikelin 74.