Prishtina ka marrë pikët e plota në Drenicës, pas tri ndeshjeve pa fitore në Superligën e Kosovës në futboll.
Prishtina të shtunën fitoi ndaj Drenicës me rezultatin 1:0, në ndeshjen e xhiros së 26-të.
Golin e fitores e shënoi qendërmbrojtësi Bujar Pllana në minutën e 33-të.
Portieri i Prishtinës, Ardit Nuka, u përjashtua me të kuq në minutën e pestë të kohës shtesë, por Drenica nuk shfrytëzoi mundësinë të realizonte nga gjuajtja e lirë, ani pse në portë ishte futbollisti Mërgim Pefqeli. Pefqeli e zëvendësoi Nikën pasi ishin kryer të gjitha zëvendësimet nga “bardhekaltrit”.
Ishte edhe fitorja e parë e Debatik Currit në krye të Prishtinës.
Curri e drejtoi Prishtinën edhe në Kupën e Kosovës dhe u kualifikua në gjysmëfinale pasi e eliminoi Ballkanin.
Për Drenicën ishte humbja e shtatë në tetë ndeshje të zhvilluara në vitin 2023 në Superligën e Kosovës.
Prishtina tani shkon në kuotën e 35 pikëve pas 26 ndeshjeve.
Drenica e fundit në tabelë mbetet me 23 pikë.