Sigal Prishtina ka mbetur pa kryetar.
Në fakt, presidenti i deritashëm, Burim Maraj ka vendosur të largohet nga klubi dhe këtë njoftim e ka bërë përmes një postimi në rrjetet sociale.
Ai ka thënë se ishte privilegj për të që ta drejtonte klubin më të madh kosovar, ndërsa dorëheqjen e ka arsyetuar me angazhimet e reja që i ka.
Më poshtë mund ta lexoni postimin e presidentit të deritashëm, Burim Maraj.
“Prishtinë ishte nder! Pas pothuajse 2 viteve në krye të Klubit më të mirë në botë, e për afro 3 dekadave si lojtar dhe anëtar i tij, duke tejkaluar shumë sfida dhe përjetuar shumë kënaqësi, për arsye personale që lidhen me angazhimet e mia të reja, sot kërkova nga bordi i klubit të më liroj nga pozita e kryetarit. Me kompletimin e skuadrës edhe me dy super lojtar, jam i sigurt në suksesin e kësaj skuadre për këto dy vitet e ardhshme. Ishte vërtetë privilegj të udhëheqë ‘Shtëpinë e Kampionëve’. I lumtur që Klubin po e lë në gjendje dhe pozitë shumë më të mirë se që e kam gjetur, Ju falenderoj gjithëve për kontributin, mbështetjen dhe besimin. Skuadrës faleminderit për triumfin në ndeshjen e fundit si kryetar i klubit. SUKSESE TË MËTUTJESHME KLUBI IM I ZEMRËS – SIGAL PRISHTINA”, ka shkruar ai.