Skuadra nga kryeqyteti FC Prishtina ka dy ditë që ka nisur përgatitjet për stinorin pranveror në elitën e futbollit kosovar.
Bardhekaltrit të drejtuar nga trajneri francez, Cavalli në kryeqytet do të qëndrojnë deri me 14 janar për t’u transferuar më pas në Turqi ku do të qëndrojë plot 14 ditë.
Atje Prishtina do t;i zhvillojë tri ndeshje miqësore me skuadra të njohura ndërkombëtare.
“Skuadra do të vazhdojë punën në Prishtinë deri më 14 janar, ndërsa më 15 janar udhëton në Kadrie të Antalisë në Turqi.
Në përgatitjet 14 ditëshe të Turqisë, skuadra do t’i ketë edhe tre ndeshje miqësore kontrolluese me skuadra ndërkombëtare”, ka njoftuar FC Prishtina..