Pas disfatës nga Ballkani në javën e kaluar, Prishtina është kthyer te fitoret në Superligën e Kosovës në futboll. Të premten, Prishtina e ka mposhtur Dukagjinin me rezultatin e thellë 3:0.
Ndeshja u zhvillua në Kampin Nacional të FFK-së në Hajvali dhe i takoi javës së gjashtë të elitës së futbollit kosovar.
Dy golat e parë të Prishtinës i shënoi mesfushori Albin Krasniqi në minutën e 20-të dhe 48-të. Për 3:0, realizoi 21-vjeçari, Rigon Llugiqi në minutën e 70-të.
Dukagjini në gjashtë ndeshje të zhvilluara ka katër disfata dhe dy fitore.
Prishtina në pesë ndeshje të zhvilluara ka tri fitore një humbje dhe një barazim.
Ndeshjen e ardhshme, Prishtina do ta zhvillojë ndaj Gjilanit, ndërsa Dukagjini luan ndaj Dritës.