Sigal Prishtina e ka fituar ndeshjen e parë gjysmëfinale të plejofit ndaj Trepçës për të avancuar 1:0 në këtë seri. Në duelin e parë të luajtur të enjten mbrëma në kryeqytet, Prishtina triumfoi me shifrat 82:70.
Pas kësaj fitoreje, seria bartet në Mitrovicë, ku Trepça do të jetë vendase në duelin e dytë që zhvillohet të dielën. Skuadra që realizon tri fitore, do të avancojë në finalen e këtij sezoni.
Ndeshja e parë ishte e fortë dhe e luftuar, ndonëse Prishtina e siguroi fitoren falë efikasitetit që e pati në çerekun e fundit për ta krijuar epërsinë që ia garantoi fitoren. Këtë çerek, Prishtina e fitoi me shifrat 24:13.
Prishtina e nisi më mirë ndeshjen dhe dhjetë minutat e para i mbylli me epërsi prej dy pikëve (20:18). Trepça u kundërpërgjigj në periudhën e dytë për të shkuar në pushim me rezultatin 44:37 në favor të vetin. Megjithatë, vendasit nuk lejuan Trepçën t’ia marrë përparësinë e terrenit, pasi çerekun e tretë e fitoi me tetë pikë epërsi dhe në të fundit u fut me rezultatin 58:57 për ta fituar përballjen e parë të kësaj serie gjysmëfinale.
Dustin Thomas e Dardan Berisha kanë udhëhequr Prishtinën drejt fitores me nga 20 pikë të shënuara secili, ndërsa me lojë të mirë u veçua edhe Derrick Wilson që pati 16 pikë.
Te Trepça, Erjon Kastrati u dallua me 16 pikë të shënuara.