Gerhard Progni ka konfirmuar largimin nga klubi i futbollit Llapi. Por, nuk ka treguar arsyet, por sulmuesi i krahut nuk është pjesë e Llapit prej 26 prillit.
Progni iu bashkua me bujë skuadrës së Llapit në qershor të vitit të kaluar.
Por, është larguar ende pa përfunduar edicioni aktual i Superligës së Kosovës në futboll.
Progni më herët në Kosovë ka luajtur për Gjilanin, ekip për të cilin luajti në dy sezone. Madje, në edicionin 2021/22, ai ishte golashënuesi më i mirë i Superligës me 19 gola.