Paris Saint Germain ka fituar 3-0 në udhëtim te Marseille në Les Classique që u zhvillua në kuadër të javës së 25-të në Ligue 1.
Kylian Mbappe e realizoi golin e parë të takimit në minutën e 25-të, me një asistim të Lionel Messit.
Katër minuta më vonë, argjentinasi ndryshoi rol, nga asistues në golashënues, por që ky gol ishte i veçantë.
Ishte goli i 700-të për shtatë herë fituesin e Topit të Artë në nivel klubesh, një shifër tejet e mrekullueshme.
Të tretin për PSG-në e realizoi Mbappe (55’), që është i dyti i tij në këtë ndeshje, ndërsa Messi regjistroi po ashtu asistimin e dytë.
Marseille rrezikoi në minutën e 65-të me anë të Alexis Sanchez, por Gianluigi Donnarumma bëri një pritje brilante.
Pas javës së 25-të, PSG (60) ka shkuar tetë pikë nga vendi i dytë, Marseille (52), ndërsa në xhiron e 26-të do të përballet me Nantes.