Kylian Mbappe është në mesin e katër lojtarëve të Real Madridit që përballen me një ndalim nga UEFA për festimet e tyre pas fitores së tyre kundër Atletico Madrid në raundin e 16-të të Ligës së Kampionëve.
Videoja e freskët që po bën xhiron tregon francezin duke kapur organin gjenital teksa feston përballë tifozëve të Atleticos.
Lojtarët e tjerë të përfshirë në sagë janë Vinicius Junior, Dani Ceballos dhe Antonio Rudiger, ndërsa nuk përjashtohet as Jude Bellingham.
Shkelja e Rudiger mund të lidhet me bërjen e gjestit të vrasjes pasi shënoi penalltinë fituese.
Atletico Madrid me shumë gjasa e ka dërguar atë video të Mbappes në UEFA, duke i detyruar ata të nisin një hetim për këtë çështje.
Tani, të katër lojtarët rrezikojnë të përjashtohen nga ndeshja e Real Madrid kundër Arsenalit në çerekfinalen e Ligës së Kampionëve.
Gjetjet dhe sanksionet e UEFA-s pas hetimeve do të zbulohen në javën e ardhshme.
Në një deklaratë të UEFA-s thuhet: “Një Inspektor i Etikës dhe Disiplinës i UEFA-s është caktuar për të hetuar akuzat për sjellje të pahijshme nga lojtarët e Real Madrid CF (Antonio Rudiger, Kylian Mbappe, Daniel Ceballos, Jude Bellingham dhe Vinicius Junior) gjatë ndeshjes së raundit të 16-të të Ligës së Kampionëve të UEFA-s ndërmjet Club Atletico CF të Madridit më 25 mars dhe Real Madridit”.
“Informacione të mëtejshme në lidhje me këtë çështje do të vihen në dispozicion në kohën e duhur”, thuhet në reagimin e tyre.
Jude Bellingham u gjobit me 30,000 euro në Euro 2024 verën e kaluar dhe u pezullua me një ndeshje për gjestin e tij të kapjes së organit gjenital dhe e njëjta gjë mund të zbatohet për Mbappen.