Përzgjedhësi brazilian i Shqipërisë, Sylvinho, ka vendosur të luajë me formacionin 4-3-3.
Sylvinho ka rikthyer në portë Etrit Berishën, për duelin kualifikues për “Euro 2024” kundër Republikës së Çekisë.
Në vend të Berishës në portë në fitoren 2:0 ndaj Polonisë, ishte Thomas Strakosha. Ndryshime ka edhe në mbrojtje. Në vend të Ardian Ismajlit të lënduar, vendin e tij e ka zënë Arlind Ajeti, që do të jetë përkrah kapitenit Berat Gjimshiti në qendër të mbrojtjes.
Mario Mitaj është në krahun e majtë kurse Elseid Hysaj në të djathtin. Në mesfushë do të jenë Ylber Ramadani, Nedim Bajrami dhe Jasir Asani. Ndërkohë, në sulm janë Kristjan Asllani, Sokol Cikalleshi dhe Taulant Seferi.
