KF Rahoveci ka arritur me një tjetër sponsor të fortë.
Klubi vreshtar nuk e ka ndërmend të dorëzohet në luftën për vendin e parë që dërgon direkt në elitë, andaj edhe po vazhdon konsolidimin.
Përmes një komunikate të para pak çasteve, konfirmoi se ka arritur marrëveshje bashkëpunimi me kompaninë M&Silloshi.
Më poshtë edhe postimi i plotë:
Puna, angazhimi, transparenca dhe përgjegjësia sjellin rezultate. Të favorshme. Jo vetëm në fushë. Në marrëdhënie e në përfaqësim sa më të dinjitetshëm me partnerët tanë, qoftë aktualë, qoftë ata potencialë. Sot e tutje kemi një tjetër gjigant pas vetes, dhe padyshim se ndihemi më të sigurtë drejt cakut ku synojmë të arrijmë. M&Sillosi. Furnizuesi ndërkombëtar dhe prodhuesi më i madh i miellit në rajon, i bashkohet klubit, për të krijuar një bashkëdyzim cilësish, kompania në prodhim, ne në menaxhim.
M&Sillosit i urojmë mirëseardhje në familjen e madhe bardhekaltër.