Kryetari i Komunës së Prishtinës, Përparim Rama, ka ndjekur nga afër sot ndeshjen e parë të Kosovës në ragbi.
Kosova u takua me Austrinë në ndeshjen e parë zyrtare në arenën ndërkombëtare.
Rama theksoi se për të ishte emocion i veçantë që ndoqi ndeshjen nga afër. Ai përgëzoj ekipin kosovar për aksionet dhe shpirtin e lojës.
I pari i Prishtinës gjithashtu u shpreh i lumtur që për herë të parë kryeqyteti ishte nikoqir i një ndeshjeje ndërkombëtare në ragbi.
Postimi i plotë nga Rama:
“Emocion i veçantë të ndjek ekipin e Kosovës në ragbi kundër mysafirëve austriakë.
Pavarësisht rezultatit të lojës, përgëzoj djemtë e ekipit tonë për aksionet dhe shpirtin e lojës.
Jam mëse i lumtur që për herë të parë Kryeqyteti është nikoqir i një ndeshjeje ndërkombëtare të ragbit, duke akomoduar dhe mbështetur nevojat e sportistëve tanë”.