Ylber Ramadani e mbyll aventurën në Skoci me Aberdeen dhe përgatitet të nisë një eksperiencë të re, në një nga kampionatet më të vlerësuar të Evropës siç është Serie A.
Mesfushori i kombëtares shqiptare do të kalojë në radhët e Lecces, teksa SuperSport mëson edhe detajet e transferimit.
Klubi italian ka paguar 1.2 milionë euro për kartonin e Ramadanit ndërsa 10% e kartonit do të mbetet në pronësinë e Aberdeen që mund të arkëtojë sërish në të ardhmen në rast të një tjetër transferimi të lojtarit.
Vetë ish-futbollisti i Partizanit do të përfitojë një pagë prej 500.000 eurosh në vit në radhët e Lecces teksa ka firmosur një kontratë trevjeçare me opsion rinovimin edhe për një tjetër vit. Vlen të theksohet se në garë për Ramadanin ishte edhe skuadra tjetër e Serie A, Verona, mirëpo Lecce fitoi garën duke qenë se ofroi më shumë dhe kënaqi interesat e Aberdeen.