Drita ka mbajtur konferencën e fundit për media një ditë para ndeshjes së fazës së parë kualifikuese për Ligën e Kampionëve ndaj Differdange 03.
Trajneri Zekirija Ramadani ka folur për shortin, gjendjen e skuadrës si dhe ecurinë e ndeshjes, shkruan Arbresh.info.
Sipas tij është obligimi moral e kombëtar që klubi i tij ta përfaqësojë Kosovën në mënyrën më të mirë të mundshme.
“Na pret një sfidë e re nga viti i kaluar, përveç obligimit profesional dhe moral, kemi edhe obligim shtetëror për ta përfaqësuar sa më mirë jo vetëm Gjilanin por gjithë Kosovën”, tha ai.
“Ekipi është shumë më mirë në gjendje fizike se vitin e kaluar, kjo na bën më mirë. Kemi fatin që ishim në vazon e favoritëve. Ky është fati jonë ta japim maksimumin, me shumë punë, angazhim ta kalojmë këtë fazë”.
Sipas tij, Drita është favorit për ta fituar për këtë sfidë.
“Favorit kryesor në letër është Drita, jam i bindur që me përgatitjet që kemi bërë, ekipi jonë mund t’i luaj, dy apo tri sisteme dhe shpresoj të dal ashtu siç e kemi paramenduar”.
Ai gjithashtu shpreson dhe beson në mbështetjen e “Intelektualëve”.
“Mbështetjen më të madhe e presë nga “Intelektualët”, kam një bindje që do të jenë lojtari jonë i 12-t”, deklaroi Ramadani.
Ndeshja mes Dritës dhe Differdange 03 luhet nesër në “Fadil Vokrri”, me fillim nga ora 20:00.