Komiteti Ekzekutiv i Federatës së Futbollit të Kosovës në mbledhjen e fundit të mbajtur sot ka marrë disa vendime me rëndësi, shkruan Demokracia.com.
Kështu trajneri i Kombëtares U19, ramiz Krasniqi nuk do të jetë përzgjedhës pasi nuk i është vazhduar kontrata, kjo për shkak të rezultateve jo të mira. Ngjashëm është vepruar edhe me Arsim Abazin U17, Kushtrim Munishin te Femrat U19 dhe trajnerin e Futsallit, Arben Simitçiu.
Më poshtë njoftimi i plotë i FFK-së:
Ndaj në bazë të rezultateve të treguara FFK-ja nuk do të vazhdoi bashkëpunimin me përzgjedhësit dhe bashkëpunëtorët e tyre, me Ramiz Krasniqin përzgjedhës i Kombëtares U19, me Arsim Abazin përzgjedhës i Kombëtares U17 të meshkujve, me Kushtrim Munishin përzgjedhës i Kombëtares U19 të femrave si dhe Arben Simitçiu përzgjedhës i Kombëtares A futsall.
KE i falënderon për angazhimin dhe kontributin e tyre gjatë kësaj periudhe.
KE vendosi pas konsultimeve me kampionin e Kosovës FC”Ballkani” dhe fituesin e Kupës e Kupës së Kosovës FC ”Llapi” dhe pasi këto klube gjenden përgatitje në Antalia të Turqisë, që ndeshja e Superkupës të zhvillohet në Antalia më 21 janar 2023.