Ermal Krasniqi e Albion Rrahmani ishin vendimtarë në fitoren 2:0 të Rapid Bukureshtit ndaj Hermannstadtit.
Ndeshja e së premtes mbrëma i takoi xhiros së 26-të të kampionatit të Rumanisë. Krasniqi shënoi për 1:0 në minutën e 54-t. Ai asistoi për Rrahmanin, që realizoi për 2:0 në minutën e 66-të. Krasniqi u shpall lojtar i ndeshjes.
Rrahmani e Krasniqi startuan te Rapidi, ndërsa Florent Hasani u aktivizua në minutën e 75-të.
Rapidi po vazhdon garën për titull. Është i dyti në tabelë me 48 pikë. Udhëheq FCSB me 54 pikë dhe një ndeshje më pak të luajtur.
Për Krasniqin është goli i dytë me Rapidin. Rrahmani ka nëntë gola në 11 paraqitje.
Rapidi është në seri prej pesë fitoreve në kampionatin rumun.