Pavarësisht se Albion Rrahmani pati nisje të mirë pas transferimit te Sparta e Pragës, ai nuk i përmbushi pritshmëritë e klubit çek.
Si rezultat i paraqitjeve të cilat nuk janë vlerësuar pozitive, Sparta pritet ta largojë nga skuadra.
Dhe 24-vjeçari Rrahmani pritet të kthehet në Rumani te skuadra e Rapidit të Bukureshtit, ku shkëlqeu me paraqitje e gola të shënuar.
Sulmuesi i Kosovës realizoi tetë gola në edicionin aktual, por nuk kanë qenë të mjaftueshme për udhëheqësit e skuadrës çeke.
Ai pritet të shitet për 2.5 milionë euro, që është gjysma e çmimit me të cilin Rapidi e shiti atë në verën e vitit të kaluar.
Ish-mbrojtësi i Portugalisë, Geraldo Alves, ka thënë se opsioni më i mirë për Rrahmanin do të ishte Rapidi.
“Rrahmani është adaptuar mirë në Bukuresht te Rapidi. Ka gjithmonë gjasa që ai të kthehet. Nëse kthehet te Rumania, do të vijë te Rapidi, këtë po e them unë. Rrahmani është ndier shumë mirë te Rapidi dhe bota e njeh atë. Nga të gjitha klubet në Rumani, mendoj se Albioni mund të zhvillohet më së shumti te Rapidi”, ka deklaruar Geraldo, shkruan “Gsp.ro” të premten.