Barcelona ishte paraparë që të luante sot (e shtunë) me fillim nga ora 21:00 në shtëpi ndaj Osasunas, xhiro kjo e vlefshme për javën e 27-të në elitën e futbollit spanjoll.
Megjithatë, teksa ka mbetur edhe jo shumë kohë para terminit të caktuar që kjo ndeshje të fillojë, duket se ajo është shtyrë.
Sipas një raportimi nga mediumi spanjoll Mundo Deportivo, një anëtar i stafit mjekësor të Barcelonës ka ndërruar jetë papritmas.
Madje, mediumi tjetër Cadena SER ka raportuar se kanë qenë vet lojtarët ata të cilët kanë kërkuar që kjo ndeshje të mos luhet.
Deri më tani nuk ka ndonjë konfirmim zyrtar nga ana e Barcelonës sa i përket këtij rasti.
Po thuhet se tashmë ka filluar tërheqja e transmetuesve televizivë nga fusha dhe se përgatitjet e fundit për këtë ndeshje nga të dy ekipet tashmë janë anuluar.