Futbollisti më i mirë i Kosovës sonte, Milot Rashica është parë i lumtur pas fitores, por ka thënë se ndoshta kjo është fitore e vonshme.
“Kemi bërë një lojë të mirë të cilën ndoshta është dashur ta kemi edhe më herët. Është fitore ndoshta e vonshme në këto kualifikime por mendojmë se ka ndikim në të ardhmen. Ne kemi pasur nevojë për fitore por gjatë rrugës kemi bërë disa gabime që nuk është dashur të ndodhin, gjithsesi është fitore e merituar”, ka thënë Rashica i cili ka folur më pas edhe për lëndimin e Rrahmanit.
“Ende nuk e dimë se për çfarë lëndimi bëhet fjalë. Ai është duke i bërë ekzaminimet por nga reagimi I tij dukej një lëndim i rënë në nyjën e këmbës. Shpresoj të mos jetë ashtu”, ka thënë Rashica për Artmotion. /GazetaSport