Milot Rashica nuk ka pranuar ofertën e Beshiktashit për ndërprerje të kontratës.
“Beshiktashi po vazhdon përpjekjet për t’u ndarë nga lojtarët që nuk llogarit. Menaxhmenti ka përshpejtuar negociatat për ta ndërprerë kontratën e Milot Rashicës. Megjithatë, është raportuar se futbollisti kosovar dhe agjenti i tij ende nuk i janë përgjigjur pozitivisht kësaj kërkese”, shkruan mediumi turk “Medya Siyah Beyaz”.
Rashica me Beshkitashin ka edhe një vit kontratë. Raportohet se paga vjetore e futbollistit të Kosovës është afërsisht 2.5 milionë euro dhe ai nuk është i interesuar ta ndërpresë kontratën e tij aktuale.
Është bërë e ditur se disa klube në Evropë kanë shprehur interesim për Rashicën, por paga e tij e lartë po e vështirëson procesin e lëvizjes.
Rashica nuk u përfshi në ekipin e Beshiktashit për ndeshjen ndaj Çorumit të hënën.