Valencia mori 3 pikët në transfertën e Rayo Vallecanos, në sfidën që u mbyll me rezultatin 0-1 dhe që miqtë u detyruan ta përfundon me dhjetë lojtarë.
Takimi hapës i javës së 18-të të La Liga rezultoi shumë i luftuar, ndërsa pjesa e parë u mbyll me porta të paprekura.
U desh mbi një orë lojë, më saktë minuta e 61’ që Canos i asistuar nga Lopez të gjente rrugën drejt rrjetës dhe të kalonte Valencia-n në avantazh.
Në minutën e 90+1’ miqtë mbetën me një lojtar më pas, pasi Correia u ndëshkua me karton të kuq.
Megjithatë, vendasit nuk ia dolën të shfrytëzonin superioritetin numerik në katër minutat e mbetura për të barazuar.
Në fund takimi u mbyll me rezultatin 0-1 me Rayo Vallecano-n që pas javës së 18-të renditet në vend të 11-të me 20 pikë, teksa Valencia në vend të 10-të me 23 pikë.
Ndërkohë për mbrojtësin e kombëtares shqiptare të futbollit, që luan për Rayo Vallecano-n, Ivan Balliun nuk pati minuta për këtë sfidë.