Gjatë ditës së sotme u raportua për mashtrimin me dinakëri të një futbollisti nga Prishtina, të cilit ia morën mbi 100 mijë euro me premtimin se do ta dërgojnë në klubin futbollistik të Holandës ‘Ajax’.
Bëhet fjalë për futbollistin 18-vjeçar, Endrit Dervodeli, i cili ishte pjesë e grupmoshave të reja të KF Ramiz Sadikut.
Skuadra nga Prishtina ka dalur me një komunikatë zyrtare që njofton se Dervodeli ka tre vite që nuk është pjesë e klubit.
Megjithatë, klubi ndjen keqardhje për rastin e ndëgjuar nga mediat se i njëjti është vën në lajthitje nga të vetquajturit menaxher të ekipeve.
Njoftimi i plotë nga Ramiz Sadiku:
Komunikatë
Në lidhje me rastin e ish futbollistit të grupmoshave të reja të KF Ramiz Sadiku, Endrit Dervodeli.
KF Ramiz Sadiku, njofton opinionin sportdashës së Endrit Dervodeli, ka tre vite qe nuk është pjesë e KF Ramiz Sadiku.
Gjithësesi që klubi ndjen keqardhje për rastin e ndëgjuar nga mediat se i njëjti është vën në lajthitje nga të vetquajturit menaxher të ekipeve e që fatkeqësisht në vendin tonë janë bërë shumë!
Sido që të jetë KF Ramiz Sadiku, bën punë dhe njifet për ndërtimin e futbollistëve të rinjë e asesi nuk përzihet në kompetencat e prindërve apo futbollistëve për përzgjedhjen e menaxherëve,ndërsa ju bën thirrje të gjithë futbolistëve dhe prindërve të kenë kujdes nga mashtruesit e ndryshëm!
Me respekt ,
KF Ramiz Sadiku