Komisioni i garave i FFK-së ka hapur procedurë disiplinore ndaj trajnerit të Flamurtarit, Liridon Lecit me arsyetim se ky i fundit e ka sharë dhe kërcënuar gjyqtarin e ndeshjes, Flamurtari – Ramiz Sadiku, Ersen Janovali.
Mirëpo në një reagim për Kanal10, Leci i ka mohuar të gjitha këto pretendime.
“Nuk është e vertetë që unë e kam kërcënuar apo kam dërguar mesazh apo diçka tjetër. Këto janë shpifje të gjyqtarit që po mundohet ta mbuloj referimin skandaloz që ka bërë atë ditë ku gjatë gjithë kohës ishte tendecioz ndaj skuadrës time. Kur ka përfunduar pjesa e parë kam kërku llogari për kartonat e verdhë dhe ai më ka ndëshkuar me të kuqin. Unë nuk mirrem me kërcënime as me ato se çfarë ka shpifut gjyqtari kryesor. Nuk ka shans që unë të kërcënoj sepse është vetëm një ndeshje futbolli dhe aty merr fund gjithçka. Gjyqtarit do të doja ti them të merr me qetësi mantill zezë sepse une nuk merrëm me ty”, ka thënë Leci.