Real Madridi është çerekfinalisti i fundit në Ligën e Kampionëve.
“Los Blancos” e eliminuan Atletico Madridin pas ekzekutimit të penalltive, pasi rezultati pas 210 minutave lojë ishte i barabartë, 2:2.
Dueli i parë në “Bernabeu” u mbyll me fitore 2:1 të vendasve.
E fitore pas 90 minutave në ndeshjen e sontme arriti edhe Atletico 1:0 në shtëpi, duke bërë që ndeshja të vendoset në vazhdime, eventualisht në penallti.
Ishte Conor Gallagher që shënoi golin e vetëm të ndeshjes në sekondën e 27-të.
Real Madridi pati mundësi të artë për të shënuar golin e kualifikimit, por Vinicius Junior gjuajti krejtësisht jashtë nga penalltia në minutën e 70-të.
As vazhdimet prej 30 minutave nuk sollën fitues e as gol të shënuar, teksa si alternativë përfundimtare mbetën penalltitë.
E në penallti, Real Madridi u tregua më i mirë, duke avancuar tutje.
Në çerekfinale, Real Madridi do të ndeshet me Arsenalin.