Real Madridi ka shënuar fitore të lehtë në duelin e javës së 10-të në La Liga kundër Elches në udhëtim.
Kampionët në fuqi të Spanjës triumfuan 0:3 ndaj Elches.
Përkundër dy golave të realizuar, Real Madridi shënoi edhe tre të tjerë, por që pas rishikimit me VAR u anuluan të gjithë për pozitë jashtë loje.
Sidoqoftë, Los Blancos kaluan herët në avantazh në minutën e 11-të kur Valverde “dridhi” portën me një gol të bukur.
Karim Benzema, fituesi i Topit të Artë vetëm pak ditë më parë shënoi golin e dytë 15 minuta pa përfunduar sfida.
Për golin e tretë u përkujdes Asensio një minutë pa përfunduar koha e rregullt e përballjes.
Benzema shënoi edhe dy herë të tjera në minutat 6-të dhe 61-të, por u anuluan. Goli tjetër i anuluar për 14 herë kampionët e Evropës ndodhi në minutën e 26-të kur Alaba shënoi.
Megjithatë, Real Madridi vazhdon lidershipin me 28 pikë, tani me gjashtë më shumë se Barcelona që ka një sfidë më pak të luajtur. Elche mbetet e fundit me vetëm tri pikë.